Շաբաթ 11 Հոկտեմբեր գիտաժողով մը` Միջին Արեւելքի ընտանիքը նիւթին մասին։
(Ռ.Վ. 09 հոկտեմբեր 2014) Համագործակցութեամբ վատիկանեան հիմնադրամի ''Նազարէթի
ընտանիք'' միջազգային կեդրոնին եւ Ընտանիքի քահանայապետական խորհուրդին, շաբաթ 11 հոկտեմբերին,
ժամը 18,30-ին, Հռոմի Յովհաննէս Պօղոս Բ լսարանին մէջ, տեղի կ՛ ունենայ գիտաժողով մը
յատկացուած Միջին Արեւելքի ընտանիքին` ''ճշմարտութեան ու գթութեան ակնարկ մը Միջին Արեւելքի
ընտանիքին վրայ'' խորագիրով, որուն նպատակն է Միջին Արեւելքի Եկեղեցիներու Պատրիարքներու
վկայութիւններու միջոցաւ ձայն տալ Միջին Արեւելքի ընտանիքներուն։ Ժողովին իրենց մասնակցութիւնը
կը բերեն` Քահանայապետական ընտանիքի խորհուրդի նախագահ` գերապայծառ Վինչէնցօ Փալիա, Մարոնի
Համայնքի պատրիարք` Կարդինալ Պշարա Ռայի, Երուսաղէմի լատիններու Պատրիարք` գերերջանիկ
Ֆուատ Թուալ, Ասորիներու պատրիարք` գերերջանիկ Եուսէֆ Եունան, եւ Քաղդէացիներու պատրիարք`
գերերջանիկ Լուիս Ռաֆայել Սաքօ։